HOT

வயிற்று வலிக்கு வில்லன் யார்?



“வலது தோள்பட்டையில் வலிக்கிறது” என்று என்னிடம் சிகிச்சைக்கு வந்தார் ஒரு வாலிபர். பரிசோதித்தபோது, அவருக்குப் பித்தப்பையில் பிரச்னை இருந்தது. “வயிறு வலிக்கிறதா?” என்று கேட்டேன். “ஆமாம் டாக்டர். இரண்டு நாளா வயிறும் வலிக்குது. எனக்கு ஏற்கனவே அல்சர் உண்டு. அதுக்கு ‘பேன்டாசிட்’ மாத்திரை சாப்பிடறேன். காலையிலிருந்து தோள்பட்டை வலிக்குது. வாயுப்பிடிப்பா, தசைப்பிடிப்பான்னு எக்ஸ்ரே எடுத்துத் தெரிஞ்சிக்குவோமே” என்றார்.

“எக்ஸ்ரே அவசியமில்லை. வயிற்றை ஸ்கேன் எடுக்க வேண்டும்” என்றேன். அவர் என் வார்த்தைகளை நம்பவில்லை. “உங்களுக்கு பிரச்னை பித்தப்பையில்தான்; தோள்பட்டையில் இல்லை. அதுக்கு வயிற்றைத்தான் ஸ்கேன் எடுக்கணும்” என்று அழுத்தமாகச் சொன்னேன். “பித்தப்பைக்கும் தோள்பட்டை வலிக்கும் என்ன சம்பந்தம், டாக்டர்?” என்று கேட்டார். “பித்தப்பையில் ஏற்படும் வலி தோள்பட்டைக்கு வரும். இரண்டுக்கும் ஒரே நரம்பு” என்றேன். “வலி ஓரிடம்... நோய் இருக்கும் இடம் வேறயா?” என்று ஆச்சரியப்பட்டார். “ஆமாம்” என்றேன்.

இவரைப் போல வயிற்றில் வலி என்றால், ‘அல்சர்தான் காரணம்’ என்று தாங்களாகவே முடிவு செய்து சுய மருத்துவம் செய்துகொள்வது, பல நேரங்களில் நோயை அதிகப்படுத்தி, ஆபத்தில் கொண்டு போய்விடும்! வயிற்றுவலி யாருக்கும், எப்போதும் வரலாம். அது சாதாரண வலியா, சிக்கலான வலியா என்று தெரிந்துகொண்டால் ஆபத்துகளைத் தவிர்க்கலாம். உங்கள் சுயமதிப்பீட்டால் வயிற்றுவலிக்குக் காரணம் தெரிந்துகொள்ள சில டிப்ஸ் தருகிறேன்...

‘பாட்ஷா’ படத்தில் ‘எட்டு எட்டா மனுஷன் வாழ்வைப் பிரிச்சிக்கோ’ என்று ரஜினி பாடுவார். அதுமாதிரி, வயிற்றை ஒன்பது பகுதிகளாகப் பிரித்திருக்கிறது மருத்துவம். எந்தப் பகுதியில் வலி வந்தால் வயிற்றில் எங்கு பாதிப்பு என்பதைத் தோராயமாகத் தெரிந்துகொள்ளத்தான் இந்த வகைப்பாடு.

* வயிற்றின் மேல் பகுதியில் வலது பக்கமாக வலி எடுத்தால், கல்லீரல், பித்தப்பை, இரைப்பை, முன் சிறுகுடல் ஆகியவற்றில் பிரச்னை இருக்கலாம்.
* மேல்வயிற்றில் நடுப்பகுதியில் வலி ஏற்பட்டால், இரைப்பை, முன்சிறுகுடல், கணையம் ஆகியவற்றில் பிரச்னை இருக்கலாம்.
* மேல் வயிற்றில் இடது பக்கத்தில் வலி உண்டானால், மண்ணீரலில் பிரச்னை இருக்கலாம்.
* வயிற்றின் நடுப்பகுதியில் இடது பக்கமாக ஏற்படும் வலிக்கு இடது சிறுநீரகம் காரணமாக இருக்கலாம்.
* வலது பக்கத்தில் வலி என்றால், வலது சிறுநீரகம் காரணமாக இருக்கலாம்.
* நடு வயிற்றின் மத்தியபகுதியில் வலி ஏற்படுகிறது என்றால், சிறுகுடலில் பிரச்னை என்று யூகிக்கலாம்.
* அடிவயிற்றின் வலது பக்க வலிக்குக் குடல் வால் அழற்சி, வலது சிறுநீர்க்குழாய்க் கல் (Ureteric Stone), கருக்குழாய் பாதிப்பு, ஏறுகுடல் கோளாறு போன்றவை முக்கியமான காரணங்கள்.
* அடிவயிற்றில், தொப்புளுக்குக் கீழ் வலி வந்தால், கருப்பை அல்லது சிறுநீர்ப்பை கோளாறு காரணமாகும்.
* அடிவயிற்றில் இடது பக்கத்தில் வலித்தால், இடது சிறுநீர்க்குழாய் கல்/ இறங்கு குடல் கோளாறு இருக்க வாய்ப்பிருக்கிறது.

வயிறு வலிக்கும் இடத்தை வைத்து காரணத்தைக் கண்டறிவது 100 சதவீதம் சாத்தியம் எனச் சொல்ல முடியாது. அதாவது, நமக்குக் கொள்ளை நடந்த இடம் தெரிகிற மாதிரி வயிற்றில் எந்தப் பகுதியில் பிரச்னை என்று இதன்மூலம் தெரிந்துகொள்ள முடியும்; அதேவேளை கொள்ளைக்காரனைக் கண்டுபிடிக்க மோப்ப நாயைப் பயன்படுத்துகிற மாதிரி வயிற்று நோயைத் துல்லியமாகக் கண்டுபிடிக்க ரத்தம், சிறுநீர், மலம் ஆகியவற்றைப் பரிசோதிக்க வேண்டும். அல்ட்ரா சவுண்ட், எண்டோஸ்கோப்பி, கொலனோஸ்கோப்பி, சி.டி. ஸ்கேன், எம்.ஆர்.ஐ. என ‘ஸ்பெஷல் ஸ்குவாடு’ம் தேவைப்படும்; அடிக்கடி வலி வருபவர்களுக்கும். ஆபத்தான வயிற்றுவலி வந்தவர்களுக்கும் இவை கட்டாயம்.

சரி, வயிற்றுவலி சாதாரணமானதா, ஆபத்தானதா என்று எப்படித் தெரிந்துகொள்வது?
சாப்பிடாமல் இருப்பது, நேரத்துக்குச் சாப்பிடாதது, அதிகமாகச் சாப்பிடுவது, கெட்டுப்போன உணவைச் சாப்பிடுவது, வலி மாத்திரை சாப்பிடுவது, பெண்களுக்கு மாதவிலக்கு சமயத்தில் வருவது என வயிற்றுவலிக்கான காரணம் நமக்கே தெரியும். இவை சாதாரண வலிகள். இப்படி எதையும் சம்பந்தப்படுத்த முடியாமல், வயிற்றுவலி திடீரென ஆரம்பித்து, பொறுக்கமுடியாத அளவுக்கும், காய்ச்சல், வாந்தி போன்ற கூடுதல் அறிகுறிகளுடனும் அச்சுறுத்தினால், அது ஆபத்தான வலி!

உதாரணமாக, குறிப்பிட்ட ஓர் இடத்தில் தொடர்ந்து வலி ஏற்படுவது, மிக அதிக காய்ச்சல், தொடர் வாந்தி, ரத்த வாந்தி, தார் மாதிரி மலம் போவது, அடிக்கடி மலம் போவது, தோள்பட்டை வலி போன்ற அறிகுறிகள் தென்பட்டால், கடுமையான அல்சர், குடலடைப்பு, கணைய அழற்சி, புற்றுநோய், பித்தப்பை அழற்சி/கல், சிறுநீரகக் கல், கருக்குழாயில் கரு வளர்வது, சினைப்பை நீர்க்கட்டி வெடிப்பது என எதுவாகவும் இருக்கலாம். எனவே, காலம் கடத்தாமல் உடனே டாக்டரிடம் சென்றுவிட வேண்டும். தாமதம் செய்யும் ஒவ்வொரு நிமிஷமும் வயிற்றுக்குள் ஆபத்து மழைக்கால காளான் போல் வளர்ந்து கொண்டிருக்கும்.

சென்ற தலைமுறையில் வயிற்றில் வலி வந்தால் ஓபன் சர்ஜரிதான் ஒரே முடிவு! இப்போது நிலைமை மாறிவிட்டது. நோயின் தீவிரத்தைப் பொறுத்து மாத்திரை, மருந்துகள் தொடங்கி வலி தெரியாத சர்ஜரிகள் வரை பல ‘புதுமுகங்கள்’ அறிமுகம் ஆகிவிட்டன. வயிற்றில் சில துவாரங்கள் போட்டு மேற்கொள்ளப்படும் லேப்ராஸ்கோப்பி சிகிச்சை, வாய்வழியாக ஒரு குழாயை நுழைத்து செய்யப்படும் எண்டோஸ்கோப்பி சிகிச்சை என எவ்வளவோ நவீன தொழில்நுட்ப வசதிகள் வந்துவிட்டன.

‘எரிகிற நெருப்பின்மீது துணியைப் போட்டு மூடுவது’ மாதிரிதான் சிகிச்சையைத் தாமதப்படுத்துவது. இதற்கு உதாரணம் அகிலா. கல்லூரி மாணவியான இவர் வயிற்றுவலிக்காக என்னிடம் சிகிச்சைக்கு வந்தார். பரிசோதித்ததில் பித்தப்பையில் கல் இருப்பதும், காமாலை பாதிப்பு இருப்பதும் தெரிந்தன. “சர்ஜரி செய்தால்தான் வலி தீரும்; காமாலை கட்டுப்படும்” என்றேன். அவரோ காமாலை என்றதும், அதை நாட்டு வைத்தியத்தில் குணமாக்கிவிடலாம் என்று கிளம்பிவிட்டார்.

‘அடைப்புக் காமாலை’ (Obstructive jaundice) பச்சிலைச் சாற்றில் சரியாகாது என்பதையும், சர்ஜரிதான் ஒரே வழி என்பதையும் எவ்வளவோ சொல்லிப் பார்த்தும் கேட்கவில்லை. ஒரு வாரம் கழித்து அவர் மீண்டும் என்னிடம் வந்தார். ஒரு சின்ன வித்தியாசம்... முதல் வாரம் அம்மாவின் துணையோடு வந்தார். அடுத்த வாரம் நான்கு பேர் துணையோடு ஆம்புலன்ஸில் வந்தார். இப்போது அவருக்குப் பித்தப்பை வீங்கி, அழுகிப் போயிருந்தது.

அவசர ஆபரேஷன், பித்தப்பையில் சீழை அகற்றி வயிற்றில் வடிகுழாய் வைக்க வேண்டிய நிலைமை என்று பல சிக்கல்கள்! லேப்ராஸ்கோப்பி சிகிச்சையில் மூன்று நாளில் குணமாகி வீட்டுக்குச் செல்ல வேண்டியவர், ஓபன் சர்ஜரி செய்யப்பட்டு மூன்று வாரங்களுக்கு மேல் அவதிப்பட்டார். முதலில் சொன்ன வாலிபருக்கும் இதே பிரச்னைதான். அவர் சர்ஜரிக்கு உடனே சம்மதித்ததால், சுலபத்தில் சுகமானார்.

(இன்னும் பேசுவோம்...)

திடீர் வயிற்று வலிக்கு என்ன காரணம்?

இதற்கான காரணப் பட்டியல் மிக நீண்டது. ‘வி.வி.ஐ.பி.’ நோய்கள் மட்டும் இங்கே...

1. அல்சர் துளை: நெஞ்சுக்குழியில் கடுமையான வலி தொடங்கி வயிறு முழுவதும் பரவும். வாந்தி ஏற்படும். வயிறு உப்பும். ஓபன் சர்ஜரிதான் தீர்வு!

2. குடல்வால் அழற்சி(Appendicitis): குழந்தை முதல் நடுவயது வரை உள்ளவர்களுக்கு இந்த பாதிப்பு அதிகம். வயிற்று வலி முதலில் தொப்புளைச் சுற்றி ஆரம்பிக்கும். பிறகு வலது அடிவயிற்றில் நிலைகொள்ளும். மிதமான காய்ச்சலும் வாந்தியும் வரலாம். குடல்வாலை நீக்குவதுதான் இதற்கு நிரந்தரத் தீர்வு. இப்போது லேப்ராஸ்கோப்பியில் எளிதாகச் செய்கிறார்கள்.

3. குடலில் துளை விழுதல்/அடைப்பு: தொப்புளைச் சுற்றி கயிறு கட்டி இறுக்குவது போல் வலிக்கும். அடிவயிறு முழுவதிலும் மந்தமான வலி இருக்கும். வாந்தி கடுமையாகும். வயிறு மரப்பலகை போன்று இறுகிவிடும். அறுவை சிகிச்சை அவசியம்.

4. குடலுக்குள் குடல் செருகுதல்: இது குழந்தைகளுக்குத்தான் அதிகம் வரும். வயிற்றுவலி, வாந்தி, கருஞ்சிவப்பு நிறத்தில் வயிற்றுப்போக்கு ஆகியவை ஏற்படும். சர்ஜரிதான் தீர்வு!

5. கணைய அழற்சி (Pancreatitis): மதுவின் பாதிப்புதான் கணைய அழற்சி. நெஞ்சுக்குழியில் கடுமையான வலி ஆரம்பித்து முதுகுக்குப் பரவும். குனிந்தால் வலி குறையும், படுத்தால் அதிகரிக்கும். இது முக்கியமான அறிகுறி. வாந்தி வரும். வயிறு உப்பும். மருந்து சிகிச்சைக்குக் கட்டுப்படும்.

6. பித்தப்பை அழற்சி / கற்கள் (Gall stones): வலது பக்க மேல் வயிற்றில் வலி ஆரம்பித்து, முதுகு வரைக்கும் சென்று, தோள்பட்டையில் நிலைகொள்ளும். இதற்கு பித்தப்பையை நீக்குவதுதான் ஒரே வழி. ஓபன் சர்ஜரியிலும் லேப்ராஸ்கோப்பியிலும் நீக்கிவிடலாம்.

7. சிறுநீரகக் கற்கள்: சிறுநீரகத்தில் கல் இருந்தால் முதுகில் வலி உண்டாகி, முன் வயிற்றுக்குப் பரவும். சிறுநீரகக் குழாயில் கல் இருந்தால், அடிவயிற்றில் வலி தோன்றி, பிறப்பு உறுப்புக்குப் பரவும். சிறுநீர்ப்பையில் கல் இருந்தால், தொப்புளுக்குக் கீழ் வலி துவங்கி, சிறுநீர் வெளித் துவாரம் வரை பரவும். நீர்க்கடுப்பு, வாந்தி இருக்கும். ESWL சிகிச்சையில் கற்களை உடைக்கலாம். வயிற்றைப் பிளக்காமல் சர்ஜரி செய்தும், யூரெட்டிரோஸ்கோப் மூலமும் கற்களை அகற்றி விடலாம்.

8. கருக்குழாய்/சினைப்பை நீர்க்கட்டி வெடிப்பு: அடிவயிற்றில் திடீரென வலி தொடங்கும். அடிவயிறு முழுவதும் மந்தமான வலி இருக்கும். வாந்தி வரும். கருக்குழாய் வெடிப்பின்போது பிறப்புறுப்பில் ரத்தமும் வெளியேறும். உடனே சர்ஜரி செய்ய வேண்டும்


thanks :dinakaran.com

2018-02-12 23:43:52 by sekar

சசிகலா மீதான சொத்துக்குவிப்பு வழக்கின் தீர்ப்பு நாளை வெளியீடு? | The judgment will be published tomorrow on Shashikala assets case - Dinakaran dinakaran.com

        The judgment will be published tomorrow on Shashikala assets case  Dinakaran

www.dinakaran.com/News_Detail.asp?Nid=279612

சசிகலா மீதான சொத்துக்குவிப்பு வழக்கின் தீர்ப்பு நாளை வெளியிடப்படும்: உச்சநீதிமன்றம் அறிவிப்பு..?

2017-02-13 07:23:14 by sekar
தமிழ் மொழியை தேசிய பாடத் திட்டத்தில் சேர்க்க வேண்டும் : ஆஸ்திரேலிய நாடாளுமன்றத்தில் ஒலித்த குரல்

தமிழ் மொழியை தேசிய பாடத் திட்டத்தில் சேர்க்க வேண்டும் : ஆஸ்திரேலிய நாடாளுமன்றத்தில் ஒலித்த குரல் dinakaran.com

கான்பெரா: ஆஸ்திரேலியாவில் தமிழர்கள் கணிசமாக வாழும் வெட்வோர்த்வில்லே பகுதியிலிருந்து நாடாளுமன்ற உறுப்பினராக தேர்வு செய்யப்பட்டவர் ஹக் மெக்டோர்மோட். இவர் ஆஸ்திரேலிய கல்வி அமைச்சரிடம் எழுத்துப் பூர்வ கோரிக்கைகளை முன்வைத்துள்ளார். அதில் சர்வதேசத்தில் சுமார் 70 மில்லியன் மக்களால் பேசப்பட்டு வரும் உலகின் தொன்மையான தமிழ் மொழியை நமது நாட்டின் பாடத் திட்டத்தில் சேர்க்க வேண்டும் என வலியுறுத்தியுள்ளார். அவர் ஆஸ்திரேலிய நாடாளுமன்றத்தில், தமிழானது வர்த்தகம் மற்றும் பொருளாதார ரீதியாக இந்தியா, இலங்கை, ஆஸ்திரேலியாவுக்கு முக்கியத்துவம் வாய்ந்தது ...

2016-10-21 08:02:20 by Agnes Natalia
சவுதி இளவரசருக்கு மரண தண்டணை நிறைவேற்றம்

சவுதி இளவரசருக்கு மரண தண்டணை நிறைவேற்றம் dinakaran.com

ரியாத்: நண்பரை சுட்டுக்கொன்ற குற்றத்திற்காக சவுதி இளவரசருக்கு மரண தண்டணை நிறைவேற்றப்பட்டுள்ளது. சவுதி அரேபியாவில் அரச குடும்பத்தைச் சேர்ந்த இளவரசர் துர்க்கி பின் சவுத் அல்-கபீர் என்பவர் கடந்த 2012ம் ஆண்டு டிசம்பர் மாதம் ரியாத்தில் தனது நண்பரான அடல் அல் மெகமெய்து என்பவருடன் ஏற்பட்ட வாக்குவாதத்தில் துப்பாக்கியால் சுட்டார். இதில் அடல் அல் மெகமெய்து பலியானார். இந்த சம்பவம் தொடர்பான வழக்கு ரியாத் குற்றவியல் நீதிமன்றத்தில் நடைபெற்று வந்த நிலையில், கடந்த 2014ம் ஆண்டு இளவரசர் அல்-கபீருக்கு, சட்ட அடிப்படையில் மரண தண்டனை விதித்து தீர்ப்பளிக்கப்பட்டது.  ...

2016-10-20 00:29:30 by Sharon
சிங்கப்பூரில் களைகட்டத் தொடங்கிய தீபாவளி: ரயில் நிலையங்கள், சாலைகளில் சிறப்பு ஓவியங்கள்

சிங்கப்பூரில் களைகட்டத் தொடங்கிய தீபாவளி: ரயில் நிலையங்கள், சாலைகளில் சிறப்பு ஓவியங்கள் dinakaran.com

சிங்கப்பூர்: தீபாவளி பண்டிகையை இந்திய மக்கள் மட்டுமின்றி உலகம் முழுவதும் உள்ள இந்தியர்களாலும் விமர்சியாக கொண்டாடப்பட்டு வருகிறது. இதன்படி தமிழர்கள் அதிகம் வாழும் நாடான சிங்கப்பூரில் தீபாவளி பண்டிகை களைகட்டத் தொடங்கியுள்ளது. சிங்கப்பூரில் உள்ள எம்.ஆர்.டி.ரயில்களில் தீபாவளியை குறிக்கும் வகையில் சிறப்பு ஓவியங்களும், சிறப்பு அலங்காரங்களும் செய்யப்பட்டுள்ளன. ரயில்கள் மட்டுமின்றி ரயில் நிலையங்கள், முக்கிய சாலைகள் என அனைத்து இடங்களிலும் தீப ஒளி திருநாள் கொண்டாட்டங்கள் ...

2016-10-18 06:08:55 by Krishna Kumar
பிரேசிலில் அணை கட்டுமான பணியின்போது மிகப்பெரிய ராட்சத பாம்பு பிடிபட்டது: 33 அடி நீளம், 400 கிலோ எடை

பிரேசிலில் அணை கட்டுமான பணியின்போது மிகப்பெரிய ராட்சத பாம்பு பிடிபட்டது: 33 அடி நீளம், 400 கிலோ எடை dinakaran.com

பிரேசிலியா: பிரேசில் நாட்டில் அணை கட்டுமான பணியின்போது சுமார் 33 அடி நீளம், 400 கிலோ எடை கொண்ட மிகப்பெரிய ராட்சத பாம்பு பிடிபட்டது. வடக்கு பிரேசிலின் பாரா பகுதியில் ஜிங்கு ஆற்றின் மீது கிளோ மோன்டே அணை கட்டுவதற்கான கட்டுமான பணிகள்  நடந்து வருகிறது. உலகின் மிகப்பெரிய நான்காவது அணை இதுவாகும். முதல் மூன்று அணைகள் சீனாவில் அமைந்துள்ளது. அணை கட்டுமான பணி நடைபெறும் இடத்தில் உள்ள பாறைகள் வெடிவைத்து அகற்றப்பட்டு வருகிறது. ஏராளமான ஊழியர்கள் அணை கட்டும் பணியில் ஈடுபட்டுள்ளனர்.இந்நிலையில் அங்கிருந்த குகை ஒன்றை ஊழியர்கள் வெடி வைத்து தகர்த்தனர். அப்போது ...

2016-09-26 01:03:27 by Irene Fatima

தூத்துக்குடி அனல்மின் நிலையத்தில் 210 மெகாவாட் மின் உற்பத்தி பாதிப்பு dinakaran.com

தூத்துக்குடி: தூத்துக்குடி அனல்மின் நிலைய 3-வது அலகில் மின்மாற்றியில் ஏற்பட்டுள்ள கோளாறால் 210 மெகாவாட் மின்உற்பத்தி பாதிக்ப்பட்டுள்ளது. கடந்த 5-ம் தேதி பராமரிப்பு பணிக்காக நிறுத்தப்பட்டு 27-ம் தேதி தான் 3-வது அலகு ஓடத் தொடங்கியது. ...

2016-07-29 09:04:11 by Harini
உலகளவில் அதிகபட்ச வெப்பம் குவைத் நாட்டில் பதிவு

உலகளவில் அதிகபட்ச வெப்பம் குவைத் நாட்டில் பதிவு dinakaran.com

குவைத்: குவைத்தில் சுட்டெரிக்கும் வெயிலால் மக்கள் கடும் அவதியடைந்து வருகின்றனர். உலகளவில் அங்கு அதிகபட்சமாக 129.3 டிகிரி பாரன்ஹீட் வெப்பம் பதிவாகி உள்ளது.  வளைகுடா நாடுகளில் எப்போதுமே வெயிலின் தாக்கம் சற்று அதிகமாகத்தான் இருக்கும். கோடைக் காலத்தில் சொல்லவே வேண்டியதில்ைல. ஆனால் இந்த முறை வழக்கத்துக்கும் அதிகமாக குவைத் நாட்டில் வெயில் வாட்டி வதைத்து வருகிறது. இதனால் மக்கள் கடும் சிரமம் அடைந்து வருகின்றனர். பகல் நேரங்களில் வெளியே வர முடியாத அளவுக்கு வெயில் சுட்டெரிக்கிறது.  உலக வரலாற்றிலேயே கடந்த வியாழக்கிழமை, குவைத்தில் உள்ள மித்ரிபா ...

2016-07-25 02:49:08 by Krishna Kumar
இத்தாலியில் கருப்பை மாற்றம் மூலம் 101 வயதில் குழந்தை பெற்ற மூதாட்டி

இத்தாலியில் கருப்பை மாற்றம் மூலம் 101 வயதில் குழந்தை பெற்ற மூதாட்டி dinakaran.com

இத்தாலியில் 101 வயதில் 17-வது குழந்தை பெற்ற மூதாட்டி அனைவரையும் வியப்பு அடைய செய்துள்ளார். இத்தாலியை சேர்ந்த அனடொலியா வெர்ட்டடெல்லா என்ற பாட்டிக்கு ஏற்கனவே 16 குழந்தைகள் உள்ளது. அவருக்கு 16 குழந்தைக்கு பிறகு கருப்பை புற்றுநோயால் பாதிக்கப்பட்டதால் அறுவை சிகிச்சைமூலம் இவரது கர்ப்பப்பை அகற்றப்பட்டது. ஆனால், இவருக்கு மீண்டும் கருத்தரித்து குழந்தை பெற வேண்டும் என்ற ஆசை ஏற்பட்டது. இந்த மூதாட்டி எப்படியாவது 17வது குழந்தையை பெறவேண்டும் என்பதில் உறுதியாக இருந்து வந்தார்.அதன்படியே, தனது 101 வயதில், துருக்கியில் உள்ள தனியார் மருத்துவம-னை ஒன்றில் உதவியுடன் ...

2016-07-25 02:46:19 by Katrin Valentina
Back to Top

Popular Tufs

IND won toss and elected

IND won toss and elected

default thumb image

June Birthdays Celebrities Born

Funny

Funny

Happy Wednesday Quotes  Happy

Happy Wednesday Quotes Happy

dinakaran.com Links

dinakaran.com links are listed here.