வயிற்று வலிக்கு வில்லன் யார்?



“வலது தோள்பட்டையில் வலிக்கிறது” என்று என்னிடம் சிகிச்சைக்கு வந்தார் ஒரு வாலிபர். பரிசோதித்தபோது, அவருக்குப் பித்தப்பையில் பிரச்னை இருந்தது. “வயிறு வலிக்கிறதா?” என்று கேட்டேன். “ஆமாம் டாக்டர். இரண்டு நாளா வயிறும் வலிக்குது. எனக்கு ஏற்கனவே அல்சர் உண்டு. அதுக்கு ‘பேன்டாசிட்’ மாத்திரை சாப்பிடறேன். காலையிலிருந்து தோள்பட்டை வலிக்குது. வாயுப்பிடிப்பா, தசைப்பிடிப்பான்னு எக்ஸ்ரே எடுத்துத் தெரிஞ்சிக்குவோமே” என்றார்.

“எக்ஸ்ரே அவசியமில்லை. வயிற்றை ஸ்கேன் எடுக்க வேண்டும்” என்றேன். அவர் என் வார்த்தைகளை நம்பவில்லை. “உங்களுக்கு பிரச்னை பித்தப்பையில்தான்; தோள்பட்டையில் இல்லை. அதுக்கு வயிற்றைத்தான் ஸ்கேன் எடுக்கணும்” என்று அழுத்தமாகச் சொன்னேன். “பித்தப்பைக்கும் தோள்பட்டை வலிக்கும் என்ன சம்பந்தம், டாக்டர்?” என்று கேட்டார். “பித்தப்பையில் ஏற்படும் வலி தோள்பட்டைக்கு வரும். இரண்டுக்கும் ஒரே நரம்பு” என்றேன். “வலி ஓரிடம்... நோய் இருக்கும் இடம் வேறயா?” என்று ஆச்சரியப்பட்டார். “ஆமாம்” என்றேன்.

இவரைப் போல வயிற்றில் வலி என்றால், ‘அல்சர்தான் காரணம்’ என்று தாங்களாகவே முடிவு செய்து சுய மருத்துவம் செய்துகொள்வது, பல நேரங்களில் நோயை அதிகப்படுத்தி, ஆபத்தில் கொண்டு போய்விடும்! வயிற்றுவலி யாருக்கும், எப்போதும் வரலாம். அது சாதாரண வலியா, சிக்கலான வலியா என்று தெரிந்துகொண்டால் ஆபத்துகளைத் தவிர்க்கலாம். உங்கள் சுயமதிப்பீட்டால் வயிற்றுவலிக்குக் காரணம் தெரிந்துகொள்ள சில டிப்ஸ் தருகிறேன்...

‘பாட்ஷா’ படத்தில் ‘எட்டு எட்டா மனுஷன் வாழ்வைப் பிரிச்சிக்கோ’ என்று ரஜினி பாடுவார். அதுமாதிரி, வயிற்றை ஒன்பது பகுதிகளாகப் பிரித்திருக்கிறது மருத்துவம். எந்தப் பகுதியில் வலி வந்தால் வயிற்றில் எங்கு பாதிப்பு என்பதைத் தோராயமாகத் தெரிந்துகொள்ளத்தான் இந்த வகைப்பாடு.

* வயிற்றின் மேல் பகுதியில் வலது பக்கமாக வலி எடுத்தால், கல்லீரல், பித்தப்பை, இரைப்பை, முன் சிறுகுடல் ஆகியவற்றில் பிரச்னை இருக்கலாம்.
* மேல்வயிற்றில் நடுப்பகுதியில் வலி ஏற்பட்டால், இரைப்பை, முன்சிறுகுடல், கணையம் ஆகியவற்றில் பிரச்னை இருக்கலாம்.
* மேல் வயிற்றில் இடது பக்கத்தில் வலி உண்டானால், மண்ணீரலில் பிரச்னை இருக்கலாம்.
* வயிற்றின் நடுப்பகுதியில் இடது பக்கமாக ஏற்படும் வலிக்கு இடது சிறுநீரகம் காரணமாக இருக்கலாம்.
* வலது பக்கத்தில் வலி என்றால், வலது சிறுநீரகம் காரணமாக இருக்கலாம்.
* நடு வயிற்றின் மத்தியபகுதியில் வலி ஏற்படுகிறது என்றால், சிறுகுடலில் பிரச்னை என்று யூகிக்கலாம்.
* அடிவயிற்றின் வலது பக்க வலிக்குக் குடல் வால் அழற்சி, வலது சிறுநீர்க்குழாய்க் கல் (Ureteric Stone), கருக்குழாய் பாதிப்பு, ஏறுகுடல் கோளாறு போன்றவை முக்கியமான காரணங்கள்.
* அடிவயிற்றில், தொப்புளுக்குக் கீழ் வலி வந்தால், கருப்பை அல்லது சிறுநீர்ப்பை கோளாறு காரணமாகும்.
* அடிவயிற்றில் இடது பக்கத்தில் வலித்தால், இடது சிறுநீர்க்குழாய் கல்/ இறங்கு குடல் கோளாறு இருக்க வாய்ப்பிருக்கிறது.

வயிறு வலிக்கும் இடத்தை வைத்து காரணத்தைக் கண்டறிவது 100 சதவீதம் சாத்தியம் எனச் சொல்ல முடியாது. அதாவது, நமக்குக் கொள்ளை நடந்த இடம் தெரிகிற மாதிரி வயிற்றில் எந்தப் பகுதியில் பிரச்னை என்று இதன்மூலம் தெரிந்துகொள்ள முடியும்; அதேவேளை கொள்ளைக்காரனைக் கண்டுபிடிக்க மோப்ப நாயைப் பயன்படுத்துகிற மாதிரி வயிற்று நோயைத் துல்லியமாகக் கண்டுபிடிக்க ரத்தம், சிறுநீர், மலம் ஆகியவற்றைப் பரிசோதிக்க வேண்டும். அல்ட்ரா சவுண்ட், எண்டோஸ்கோப்பி, கொலனோஸ்கோப்பி, சி.டி. ஸ்கேன், எம்.ஆர்.ஐ. என ‘ஸ்பெஷல் ஸ்குவாடு’ம் தேவைப்படும்; அடிக்கடி வலி வருபவர்களுக்கும். ஆபத்தான வயிற்றுவலி வந்தவர்களுக்கும் இவை கட்டாயம்.

சரி, வயிற்றுவலி சாதாரணமானதா, ஆபத்தானதா என்று எப்படித் தெரிந்துகொள்வது?
சாப்பிடாமல் இருப்பது, நேரத்துக்குச் சாப்பிடாதது, அதிகமாகச் சாப்பிடுவது, கெட்டுப்போன உணவைச் சாப்பிடுவது, வலி மாத்திரை சாப்பிடுவது, பெண்களுக்கு மாதவிலக்கு சமயத்தில் வருவது என வயிற்றுவலிக்கான காரணம் நமக்கே தெரியும். இவை சாதாரண வலிகள். இப்படி எதையும் சம்பந்தப்படுத்த முடியாமல், வயிற்றுவலி திடீரென ஆரம்பித்து, பொறுக்கமுடியாத அளவுக்கும், காய்ச்சல், வாந்தி போன்ற கூடுதல் அறிகுறிகளுடனும் அச்சுறுத்தினால், அது ஆபத்தான வலி!

உதாரணமாக, குறிப்பிட்ட ஓர் இடத்தில் தொடர்ந்து வலி ஏற்படுவது, மிக அதிக காய்ச்சல், தொடர் வாந்தி, ரத்த வாந்தி, தார் மாதிரி மலம் போவது, அடிக்கடி மலம் போவது, தோள்பட்டை வலி போன்ற அறிகுறிகள் தென்பட்டால், கடுமையான அல்சர், குடலடைப்பு, கணைய அழற்சி, புற்றுநோய், பித்தப்பை அழற்சி/கல், சிறுநீரகக் கல், கருக்குழாயில் கரு வளர்வது, சினைப்பை நீர்க்கட்டி வெடிப்பது என எதுவாகவும் இருக்கலாம். எனவே, காலம் கடத்தாமல் உடனே டாக்டரிடம் சென்றுவிட வேண்டும். தாமதம் செய்யும் ஒவ்வொரு நிமிஷமும் வயிற்றுக்குள் ஆபத்து மழைக்கால காளான் போல் வளர்ந்து கொண்டிருக்கும்.

சென்ற தலைமுறையில் வயிற்றில் வலி வந்தால் ஓபன் சர்ஜரிதான் ஒரே முடிவு! இப்போது நிலைமை மாறிவிட்டது. நோயின் தீவிரத்தைப் பொறுத்து மாத்திரை, மருந்துகள் தொடங்கி வலி தெரியாத சர்ஜரிகள் வரை பல ‘புதுமுகங்கள்’ அறிமுகம் ஆகிவிட்டன. வயிற்றில் சில துவாரங்கள் போட்டு மேற்கொள்ளப்படும் லேப்ராஸ்கோப்பி சிகிச்சை, வாய்வழியாக ஒரு குழாயை நுழைத்து செய்யப்படும் எண்டோஸ்கோப்பி சிகிச்சை என எவ்வளவோ நவீன தொழில்நுட்ப வசதிகள் வந்துவிட்டன.

‘எரிகிற நெருப்பின்மீது துணியைப் போட்டு மூடுவது’ மாதிரிதான் சிகிச்சையைத் தாமதப்படுத்துவது. இதற்கு உதாரணம் அகிலா. கல்லூரி மாணவியான இவர் வயிற்றுவலிக்காக என்னிடம் சிகிச்சைக்கு வந்தார். பரிசோதித்ததில் பித்தப்பையில் கல் இருப்பதும், காமாலை பாதிப்பு இருப்பதும் தெரிந்தன. “சர்ஜரி செய்தால்தான் வலி தீரும்; காமாலை கட்டுப்படும்” என்றேன். அவரோ காமாலை என்றதும், அதை நாட்டு வைத்தியத்தில் குணமாக்கிவிடலாம் என்று கிளம்பிவிட்டார்.

‘அடைப்புக் காமாலை’ (Obstructive jaundice) பச்சிலைச் சாற்றில் சரியாகாது என்பதையும், சர்ஜரிதான் ஒரே வழி என்பதையும் எவ்வளவோ சொல்லிப் பார்த்தும் கேட்கவில்லை. ஒரு வாரம் கழித்து அவர் மீண்டும் என்னிடம் வந்தார். ஒரு சின்ன வித்தியாசம்... முதல் வாரம் அம்மாவின் துணையோடு வந்தார். அடுத்த வாரம் நான்கு பேர் துணையோடு ஆம்புலன்ஸில் வந்தார். இப்போது அவருக்குப் பித்தப்பை வீங்கி, அழுகிப் போயிருந்தது.

அவசர ஆபரேஷன், பித்தப்பையில் சீழை அகற்றி வயிற்றில் வடிகுழாய் வைக்க வேண்டிய நிலைமை என்று பல சிக்கல்கள்! லேப்ராஸ்கோப்பி சிகிச்சையில் மூன்று நாளில் குணமாகி வீட்டுக்குச் செல்ல வேண்டியவர், ஓபன் சர்ஜரி செய்யப்பட்டு மூன்று வாரங்களுக்கு மேல் அவதிப்பட்டார். முதலில் சொன்ன வாலிபருக்கும் இதே பிரச்னைதான். அவர் சர்ஜரிக்கு உடனே சம்மதித்ததால், சுலபத்தில் சுகமானார்.

(இன்னும் பேசுவோம்...)

திடீர் வயிற்று வலிக்கு என்ன காரணம்?

இதற்கான காரணப் பட்டியல் மிக நீண்டது. ‘வி.வி.ஐ.பி.’ நோய்கள் மட்டும் இங்கே...

1. அல்சர் துளை: நெஞ்சுக்குழியில் கடுமையான வலி தொடங்கி வயிறு முழுவதும் பரவும். வாந்தி ஏற்படும். வயிறு உப்பும். ஓபன் சர்ஜரிதான் தீர்வு!

2. குடல்வால் அழற்சி(Appendicitis): குழந்தை முதல் நடுவயது வரை உள்ளவர்களுக்கு இந்த பாதிப்பு அதிகம். வயிற்று வலி முதலில் தொப்புளைச் சுற்றி ஆரம்பிக்கும். பிறகு வலது அடிவயிற்றில் நிலைகொள்ளும். மிதமான காய்ச்சலும் வாந்தியும் வரலாம். குடல்வாலை நீக்குவதுதான் இதற்கு நிரந்தரத் தீர்வு. இப்போது லேப்ராஸ்கோப்பியில் எளிதாகச் செய்கிறார்கள்.

3. குடலில் துளை விழுதல்/அடைப்பு: தொப்புளைச் சுற்றி கயிறு கட்டி இறுக்குவது போல் வலிக்கும். அடிவயிறு முழுவதிலும் மந்தமான வலி இருக்கும். வாந்தி கடுமையாகும். வயிறு மரப்பலகை போன்று இறுகிவிடும். அறுவை சிகிச்சை அவசியம்.

4. குடலுக்குள் குடல் செருகுதல்: இது குழந்தைகளுக்குத்தான் அதிகம் வரும். வயிற்றுவலி, வாந்தி, கருஞ்சிவப்பு நிறத்தில் வயிற்றுப்போக்கு ஆகியவை ஏற்படும். சர்ஜரிதான் தீர்வு!

5. கணைய அழற்சி (Pancreatitis): மதுவின் பாதிப்புதான் கணைய அழற்சி. நெஞ்சுக்குழியில் கடுமையான வலி ஆரம்பித்து முதுகுக்குப் பரவும். குனிந்தால் வலி குறையும், படுத்தால் அதிகரிக்கும். இது முக்கியமான அறிகுறி. வாந்தி வரும். வயிறு உப்பும். மருந்து சிகிச்சைக்குக் கட்டுப்படும்.

6. பித்தப்பை அழற்சி / கற்கள் (Gall stones): வலது பக்க மேல் வயிற்றில் வலி ஆரம்பித்து, முதுகு வரைக்கும் சென்று, தோள்பட்டையில் நிலைகொள்ளும். இதற்கு பித்தப்பையை நீக்குவதுதான் ஒரே வழி. ஓபன் சர்ஜரியிலும் லேப்ராஸ்கோப்பியிலும் நீக்கிவிடலாம்.

7. சிறுநீரகக் கற்கள்: சிறுநீரகத்தில் கல் இருந்தால் முதுகில் வலி உண்டாகி, முன் வயிற்றுக்குப் பரவும். சிறுநீரகக் குழாயில் கல் இருந்தால், அடிவயிற்றில் வலி தோன்றி, பிறப்பு உறுப்புக்குப் பரவும். சிறுநீர்ப்பையில் கல் இருந்தால், தொப்புளுக்குக் கீழ் வலி துவங்கி, சிறுநீர் வெளித் துவாரம் வரை பரவும். நீர்க்கடுப்பு, வாந்தி இருக்கும். ESWL சிகிச்சையில் கற்களை உடைக்கலாம். வயிற்றைப் பிளக்காமல் சர்ஜரி செய்தும், யூரெட்டிரோஸ்கோப் மூலமும் கற்களை அகற்றி விடலாம்.

8. கருக்குழாய்/சினைப்பை நீர்க்கட்டி வெடிப்பு: அடிவயிற்றில் திடீரென வலி தொடங்கும். அடிவயிறு முழுவதும் மந்தமான வலி இருக்கும். வாந்தி வரும். கருக்குழாய் வெடிப்பின்போது பிறப்புறுப்பில் ரத்தமும் வெளியேறும். உடனே சர்ஜரி செய்ய வேண்டும்


thanks :dinakaran.com

2017-12-16 13:22:47 by sekar

ANBULLAM KONDA AMMAVUKKU ..... - YouTube youtube.com

THE CLIPPING ABOUT A DAUGHTER'S LETTER ABOUT HER MOTHER'S UNTIRING TOIL TO HELP HER STUDY

www.youtube.com/watch?v=jyS579ET7ec

2017-10-31 09:21:55 by sekar

வெள்ளையர்கள் ‘திமிர் வரி’ விதித்த கோவை கண்ணம்பாளையத்தின் கதை! - தி இந்து thehindu.com

வெள்ளையர்கள் வரி போட்டு மக்களை வதைத்தார்கள் என்று சொல்வார்கள். ஆனால், அவர்களுக்கு அடங்கவில்லை என்பதற்காக ஒரு கிராமத்துக்கே ‘திமிர் வரி’ போட்ட கதை தெரியுமா?

tamil.thehindu.com/opinion/reporter-page/articl...

தளபதி முருகேசன்

நந்தகுமார்

தியாகி கே.வி.ராமசாமி

ராமாத்தாள்

கண்ணம்பாளையம் தியாகிகள்

தியாகிகள் கலையரங்கம்

முருகேசன்

முத்தம்மா

தியாகி பழனியப்பன்

கண்ணம்மை அம்மன் கோயில்

தளபதி முருகேசன்

வெ

ள்ளையர்கள் வரி போட்டு மக்களை வதைத்தார்கள் என்று சொல்வார்கள். ஆனால், அவர்களுக்கு அடங்கவில்லை என்பதற்காக ஒரு கிராமத்துக்கே ‘திமிர் வரி’ போட்ட கதை தெரியுமா?

கோவை மாவட்டத்திலுள்ள கண்ணம்பாளையம் கிராமம்தான் 1942-ல், வெள்ளையர்களின் ‘திமிர் வரி’க்கு இலக்கான கிராமம். வரி போட்டு வசூலிக்குமளவுக்கு இவர்கள் அப்படி என்னா திமிர் காட்டினார்கள்? அந்தக் கதையைப் பார்ப்போமா..

கண்ணம்பாளையமும் ஆகஸ்ட் புரட்சியும்

ஆகஸ்ட் புரட்சியின் போது கோவையில் நடந்த சூலூர் ரயில் எரிப்பு மற்றும் சிங்காநல்லூர் ரயில் கவிழ்ப்பு சம்பவங்கள் சுதந்திரப் போராட்டத்தில் சிவப்பு எழுத்துக்களால் எழுதப்பட்டவை. இந்தப் போராட்டங்களை தலைமை ஏற்று நடத்தியதாக கண்ணம்பாளையத்தைச் சேர்ந்த கே.வி.ராமசாமியைக் குறிவைத்தது வெள்ளையர் அரசாங்கம். அதேசமயம், சிங்காநல்லூர் ரயில் கவிழ்ப்புக்காக அப்பாவிகளையும் அள்ளிக் கொண்டுபோய் அடித்து வதைத்தது போலீஸ்!

இதில், கே.வி.ராமசாமியின் கண்ணம்பாளையத்தைச் சேர்ந்த பலர் கடும் சித்திரவதைகளுக்கு ஆளாக்கப் பட்டனர். இந்த நிலையில், அடுத்த அதிரடியாக சூலூர் விமான தளத்தை தீ வைத்துக் கொளுத்த நாள் குறிக்கிறது கே.வி.ராமசாமி தலைமையிலான போர்ப் படை. அப்போது, கண்ணம்பாளையத்தைச் சேர்ந்த சலவைத் தொழிலாளி கே.எஸ்.பழனியப்பன் தான் ‘வெண்டயங்கள்’ (தீப்பந்தம்) செய்து கொடுக்கும் பொறுப்பை ஏற்றுக் கொண்டவர். திட்டமிட்டபடி 1942 ஆகஸ்ட் 26 அன்று இரவு சூலூர் விமான தளத்தை தீக்கிரையாக்கியது இந்தப் படை.

கிராமத்துக்கே திமிர் வரி

இதையடுத்து, போராட்டக்காரர்களை சல்லடை போட்டுத் தேடியது போலீஸ். அவர்களின் உறவுகள் எல்லாம் கடும் சித்திரவதைகளுக்கு ஆளானார்கள். இதில், அதிகம் பாதிக்கப்பட்டது கண்ணம்பாளையம் தான். இதனிடையே, விமான தளம் தாக்கப்பட்டதற்கான இழப்பீட்டுத் தொகையை போராட்டக்காரர்களின் ஊர்களைச் சேர்ந்த பொதுமக்களே ஏற்க வேண்டும் என உத்தரவு போட்டது பிரிட்டிஷ் அரசு.

இதில்தான், குற்றவாளிகளைக் காட்டிக் கொடுக்காத காரணத்துக்காக கண்ணம்பாளையம் கிராமத்துக்கு ‘திமிர் வரி’ என்று புதிதாக ஒரு வரியை விதித்தனர் பிரிட்டிஷ் அதிகாரிகள். அந்த வரியை 48 மணி நேரத்துக்குள் செலுத்த வேண்டும் எனவும் மக்கள் நிர்பந்திக்கப்பட்டனர்.

கடைசிவரை சிக்கவில்லை

இதை எல்லாம் இப்போது கேட்டாலும் கதை கதையாய் சொல்கிறார்கள் கண்ணம்பாளையத்து மக்கள். ஆகஸ்ட் புரட்சியின் போது கண்ணம்பாளையத்தைச் சேர்ந்த 33 பேர் சிறையில் அடைக்கப்பட்டார்கள். அவர்களுக்கு மூன்று மாதத்திலிருந்து பத்து ஆண்டுகள் வரையிலும் சிறை தண்டனை விதிக்கப்பட்டது. எனினும், போராட்டத்தை தலைமை ஏற்று நடத்திய கே.வி.ராமசாமி உள்ளிட்டவர்கள் தலைமறைவாகி விட்டனர். கடைசிவரை சிக்கவே இல்லை.

இதையெல்லாம் நம்மிடம் பகிர்ந்து கொண்ட மறைந்த தியாகி கே.வி.ராமசாமியின் மகன் கே.வி.ஆர்.நந்தகு மார், “எங்க தாத்தா வெங்கட்ராய கவுண்டரும் சுதந்திர போராட்ட தியாகிதான். ‘எனது மூன்று பிள்ளைகளில் பெரியவன் (கே.வி.ராமசாமி) நாட்டுக்கு, நடுப்பிள்ளை விவசாயத்துக்கு, கடைசிப்பிள்ளை ஊருக்கு’ என அறிவித்தவர் எனது தாத்தா. அப்பா உள்பட இந்த கிராமத்திலிருந்து சிறைசென்ற 33 தியாகிகளுமே இப்போது உயிரோடு இல்லை. அவர்களில் 6 பேரது மனைவிகள் மட்டுமே உயிருடன் உள்ளனர். இந்தியாவிலேயே எங்கள் ஊருக்கு மட்டும் தான் ‘திமிர் வரி’ போடப்பட்டதாக அப்பா சொல்வார். எங்கப்பா கைதாகாமல் தலைமறைவாக இருந்ததால் அவர் சுதந்திரப் போராட்ட தியாகி என்பதற்கான ஆதாரங்களை சிரமப்பட்டுத்தான் சேகரிக்க வேண்டியிருந்தது” என்று சொன்னார்.

தியாகிகளுக்கு மரியாதை

கண்ணம்பாளையம் பேரூராட்சியின் முன்னாள் தலைவர் தளபதி முருகேசன், “ஒருங்கிணைந்த கோவை ஜில்லாவில் ஆயிரக் கணக்கானோர் ஆகஸ்ட் புரட்சியின் போது சிறை சென்றனர். அதில், ஒரு சிறிய கிராமத்திலிருந்து 33 பேர் கைதானது எங்கள் கண்ணம்பாளையமாகத்தான் இருக்கும்” என்கிறார்.

கண்ணம்பாளையத்தில் சுதந்திரப் போராளிகள் ரகசியக் கூட்டங்கள் போட்ட கண்ணம்மை அம்மன் கோயில் இன்னமும் பழமையின் சாட்சியாய் அப்படியே இருக்கிறது. இங்குள்ள பொதுக்கூட்ட மேடைக்கு ‘கண்ணம்பாளையம் சுதந்திர போராட்ட தியாகிகள் கலையரங்கம்’ என்று பெயர் வைத்திருக்கிறார்கள். இங்கு, 33 தியாகிகளின் நினைவாக கல்வெட்டும் வைக்கப்பட்டுள்ளது. பேரூராட்சி அலு வலகத்திலும் தியாகிகளின் படங்களை வைத்து கவுரவித்திருக்கிறார்கள்.

கண்ணம்பாளையத்தில் சுதந்திரப் போராட்ட தியாகிகள் சிலரது உறவுகளையும் சந்தித்தோம். தியாகி கருப்பண்ண கவுண்டரின் மனைவி ராமாத்தாளுக்கு இப்போது வயது எண்பதாகிறது. அவர் நம்மிடம், “17 வயசுல எனக்கு கல்யாணம் ஆச்சு. சூலூர் ஏரோட்ராமுக்கு தீவச்சுட்டாங்க. அந்த ஊரையே போலீஸ் புடிச்சு உதைக்குதுன்னு எங்க ஊரே பேசுச்சு. அப்ப நான் சின்னப் புள்ள. அதுக்கப்புறம், அந்த தீ வச்ச போராட்டத்துல கலந்துக்கிட்டவரையே கல்யாணம் செய்வேன்னு நினைச்சுப் பார்க்கல. அப்பவெல்லாம் சுதந்திர போராட்டமா.. ஜெயிலுக்கு போயிருக்கானான்னு எல்லாம் பார்க்க மாட்டாங்க. சொந்தமா விவசாய நிலம் இருக்குதா.. கந்தாயம் (வரி) கட்டறாங்களான்னு பார்த்துத்தான் பொண்ணு கொடுப்பாங்க. அப்படித்தான் எனக்கும் கல்யாணம் நடந்துச்சு” என்றார்.

இன்னமும் வறுமைக் கோட்டில்..

தியாகி மாரப்பனின் மனைவி முத்தம்மா, “சுதந்திரமெல்லாம் கெடச்சு 10 வருஷம் கழிச்சுத்தான் எங்க கல்யாணம் நடந்துச்சு. 7 வருஷம் தண்டனை வாங்கி 4 வருஷம் உள்ளே இருந்தேன்னு கல்யாணத்துக்குப் அப்புறம்தான் அவரு சொன்னாரு” என்றார்.

வெண்டயம் செய்து தந்த சலவைத் தொழிலாளி தியாகி பழனியப்பனின் மகன் முருகேசனிடம் பேசியபோது, “அந்தக் காலத்துல, சலவைக்கு சேலைகள் வர்றதே அபூர்வம். அதுல, ரெண்டு சேலைகளை எடுத்துத்தான் இருபது, இருபத்தஞ்சு வெண்டயம் செஞ்சு சீமண்ணெய் டின்னோட போராட்டத்துக்கு போயிருக்கார் எங்கப்பா. அவர் ஏழு வருசம் தண்டனை வாங்கி நாலு வருசம் ஜெயில்ல இருந்த கதைய நிறையச் சொல்லியிருக்கார்” என்றார்.

இதில் வருத்தமான விஷயம் என்னவென்றால், விடுதலைக்காக போராடிய பழனியப்பன் உள்ளிட்ட தியாகிகளின் குடும்பங்கள் இன்னமும் வறுமைக் கோட்டில் தான் இருக்கின்றன. ஓரளவுக்கு வசதியானவர்களும் வானம் பார்த்த பூமியோடுதான் மல்லுக்கட்டிக் கொண்டிருக்கிறார்கள்!

2017-10-21 10:36:38 by sekar

Adobe photoshop version history Adobe photoshop version history

2017-10-07 12:44:49 by sekar

பிச்சை பாத்திரம் ஏந்தி வந்தேன் ஐயனே என் ஐயனே
யாமொரு பிச்சை பாத்திரம் ஏந்தி வந்தேன் ஐயனே என் ஐயனே
பிண்டம் எனும் எலும்போடு சதை நரம்பு உதிரமும்
அடங்கிய உடம்பு எனும்


அம்மையும் அப்பனும் தந்ததா .......இல்லை
ஆதியின் வல்வினை சூழ்ந்ததா...........
அம்மையும் அப்பனும் தந்ததா .......இல்லை
ஆதியின் வல்வினை சூழ்ந்ததா
இமையை நான் அறியாததால் ....இமையை நான் அறியாததால
சிறு பொம்மையின் நிலையினில் உண்மையை உணர்ந்திட
--பிச்சை பாத்திரம் ஏந்தி வந்தேன்

அத்தனை செல்வமும் உன்னிடத்தில் நான்
பிச்சைக்கு செல்வது எவ்விடத்தில்.......
அத்தனை செல்வமும் உன்னிடத்தில் நான்
பிச்சைக்கு செல்வது எவ்விடத்தில்
வெறும் பாத்திரம் உள்ளது என்னிடத்தில் அதன்
சூத்திரமோ அது உன்னிடத்தில்
ஒரு முறையா இருமுறையா
பலமுறை பல பிறப்பு எடுக்க வைத்தாய்
புது வினையா பழவினையா
கணம் கணம் தினம் எனை துடிக்கவைத்தாய்
பொருளுக்கு அலைந்திடும் பொருளற்ற
வாழ்க்கையும் துரத்துதே உன் அருள் அருள் அருள் என்று
அலைகின்ற மனமின்று பிதறருதே ...
அருள் விழியால்யால் நோக்குவாய்
மலர் பதத்தால் தாங்குவாய் உன் திருக்கரம் எனை
அரவணைத்து உனதருள் பெற
--பிச்சை பாத்திரம் ஏந்தி வந்தேன்

2017-10-06 14:48:23 by sekar

நச் கதை..!
சாலை ஓரமாக நின்றிருந்தேன். ஆட்டோவில் வந்த ஒரு கும்பல் தடதடவென என்னைச் சூழ்ந்துகொண்டது. எல்லோரது கையிலும் ஆயுதங்கள். என்னைக் குறிவைத்துதான் வந்திருக்கிறார்கள் என்பது எனக்குப் புரிந்துவிட்டது. அந்த வழியாகப் போகிற யாராவது எனக்கு ஆதரவாக உதவிக்கு வருவார்கள் என எதிர்பார்த்தேன். எல்லோரும் ஏதோ சினிமா ஷூட்டிங் போல வேடிக்கை பார்த்தபடி நின்றிருந்தார்கள். ஒருவன் என்னை எட்ட இருந்தே கயிற்றை வீசி இழுந்தான். இன்னொருவன் என்னை ஓங்கி வெட்டினான்.

''அய்யோ! இப்படி அநியாயம் பண்றீங்களேடா... விடுங்கடா!'' என்று கத்தினாள் ஒரு பாட்டி. ''சும்மா கத்தாதேமா... ஒரு கோடி ரூபா ப்ராஜெக்ட்டு! இந்த ரோடை அகலப்படுத்த திட்டம் போட்டா... நந்தி மாதிரி குறுக்கே இடஞ்சல் பண்ணா இதான் கெதி!'' என்றவன் உரக்கக் கத்தினான், ''சீக்கிரம் வெட்டிச் சாய்ங்கடா அந்த மரத்தை!''

--விகடன்

2017-09-25 10:58:07 by sekar
HOT

Weight reduce paleo diet

Weight reduce, paleo diet

2017-09-22 17:51:42 by sekar
HOT

Forget Apple Pay: this guy has made a way to pay with your hand | TechRadar techradar.com

Mobile payments will soon become irrelevant if this technology from Sweden becomes the mainstream.

Forget Apple Pay this guy has made a way to pay with your hand  TechRadar

Forget the card Payment: Make a way to pay with your hand
www.techradar.com/news/world-of-tech/forget-app...

2017-07-29 18:54:58 by sekar

Doordarshan's Signature Tune and Montage (1974) ~ [HD] - YouTube youtube.com

It all started 52 years ago, on 15 September 1959. With a humble beginning and a little support from All India Radio. Doordarshan (DD) started its transmissi...

www.youtube.com/watch?v=9-7JmGB9BRA

DD's Signature tune

2017-07-22 17:56:32 by sekar
Back to Top